Бизнис
ВО ФЕВРУАРИ ХРВАТСКА ЈА НАМАЛИ НЕВРАБОТЕНОСТА ЗА 20 ИЛЈАДИ ЛИЦА
10.03.2025
На крајот на февруари годинава во евиденцијата на Хрватската служба за вработување се евидентирани 96.313 невработени лица, што е за 17,3 отсто или за 20.121 лице помалку од февруари 2024 година. Во однос на јануари, бројот на невработени е намален за 1,1 отсто или за 1.028 лица.
Според дневните податоци на Хрватската служба за вработување, во Заводот во моментов се пријавени 94.228 невработени лица, а објавени се 24.217 огласи за вработување.
Во текот на февруари годинава се пријавиле 10.839 лица како невработени, што е за 2,7 отсто помалку од февруари лани. Од нив 8.148 лица или 75,2 отсто се од работен однос. Минатиот месец како невработени се евидентирани 220 лица од редовно образование и 2.471 од неактивност.
Регистерот на невработени го напуштиле 11.867 лица, што е за 17,7 отсто помалку отколку во февруари 2024 година. Од нив вработени се 8.185 лица, 7.635 лица или 93,3 отсто по основ на договор за вработување и 550 лица или 6,7 отсто по основ на други деловни активности, пренесува „Пословни дневник“.
фото freepic