Пред годините со Ковид-19, Тирана беше мал аеродром. Во 2005 година Тирана имала само 785.000 патници, во 2010 година  1,5 милиони, а во 2015 година помалку од  два милиони. Во 2019 година аеродормот во Тирана сè уште беше зад оној во Загреб. Таа година Загреб имал 3.435.531 патник, а Тирана 3.338.147 патници, речиси 100.000 помалку.

По пандемијата прометот на албанскиот аеродром брзо се зголеми. Во 2020 година Тирана имала 1,3 милиони патници, Загреб само 0,9 милиони, а Белград 1,9 милиони патници. До денес, Тирана е на врвот на Европа во однос на привлекување на патниците од 2019 година.

Во 2023 година Тирана имаше помалку патници од Белград. Во 2023 година Тирана имала 7,3 милиони патници, а Белград 7,9 милиони, 600.000 повеќе. Но, се случи нешто неверојатно. Белград го зголеми бројот на патници за само 5,3 отсто на 8.367.931, додека Тирана имаше вртоглав раст од 48 отсто и се искачи на 10.708.975 патници.

Ова е директен производ на ривалството меѓу нискобуџетните  авиокомпании кои отвораа нови линии од двата аеродрома. За време на Ковид-19, огромната албанска дијаспора се навикна да патува со авион наместо со автомобил како порано. Покрај тоа, Албанија во 2024 година имала 11,7 милиони туристи, што е 57,6 отсто од туристите во Хрватска (20,3 милиони). Огромното мнозинство на туристи пристигнуваат со авион. Конечно, Тирана е единствениот аеродром во Албанија, бидејќи Кукс нема редовни летови, пренесува „Бизнис.ба“.

фото freepic