Бизнис
КАНАДА И САД ПО ЦАРИНСКА ПОЧНАА И „АЛКОХОЛНА“ ТРГОВСКА ВОЈНА, КАНАДСКИТЕ ПРОВИНЦИИ НЕМА ДА ПРОДАВААТ АЛКОХОЛ ОД САД
05.03.2025
Во провинциите во Канада (Онтарио, Нова Шкотска, Њуфаундленд) прекината е продажбата на алкохол кој е произведен во САД како одговор на царините од 25 отсто на увоз на канадските производи кои се воведени од американскиот претседател Доналд Трамп.
Премиерот на Онтарио Даг Форд изјави дека Одборот за контрола на алкохол „симна“ каталогот за производи на продажба повеќе од 3.600 алкохолни пијалоци од САД, како одговор на новата царинска политка од Вашингтон. Ова значи дека трговците на мало, баровите и рестораните во Онтарио повеќе нема да ги обновуваат залихите на американските алкохолни производи, пренесува ЦТВ.
Во Онтарио годишно се продавале алокохолни пијалоци од САД во вредност од околу една милијарда долари. Онтарио е еден од најголемите купувачи на алкохол произведен во САД, пренесува „Курир“.
фото freepic