Бизнис
Намалена цената на свинско месо жива мера
04.03.2025
Во рок од два месеца одгледувачите на свињи трипати ја намалија цената на свинското месо жива мера. Потпретседателот на Асоцијација на земјоделци, Гоце Сарафимов вели дека во моментов цената на свинското месо жива мера изнесува 110 денари и со ДДВ е и до 118 денари. Тој посочува дека поголемите производители на свинско месо се договориле да ја намалат цената, но дополнително влијаат намалената потрошувачка за време на Велиденските пости, но и забраната за увоз на свинско месо.
- Сега имаме забрана за увоз на свинско месо, опадната е и куповната моќ. Таа цена од 118 денари во моментов е прилично добра, одгледувачите уште не се со некоја загуба, бидејќи летоска кога беше жетвата јачменот и пченицата се откупија евтино по девет или десет денари. Калкулацијата не е добра, но не е со некоја загуба, а ако продолжи вака нема да биде добро за фармите што произведуваат свинско месо, вели Сарафимов.
Тој истакна дека бројот на свињи во земјава не е намален.
Извор МИА
фото freepic