Бизнис
ЧАДЕЖ: ПОТРЕБНО Е ФОРМИРАЊЕ НА СОВЕТ ЗА ЕДИНСТВЕН ПАЗАР НА ЗАПАДЕН БАЛКАН
04.03.2025
Формирањето на совет за единствен пазар на Западен Балкан ќе ја унапреди регионалната соработка и ќе овозможи брзо напредување на сите економии во регионот и пристап до единствениот пазар на Европската Унија, изјави Марко Чадеж, претседателот на Стопанската комора на Србија, на денешниот Бизнис форум на Копаоник.
Проблемот на регионалната соработка е од политичко-административна природа и за негово надминување е потребна политичка волја во регионот и во Брисел, истакна Чадеж на панелот „Западен Балкан: Одржлива регионална соработка“.
Советот за единствен пазар на ЗБ би предлагал договори, кои ќе ги забрзаат процедурите во собраниските седници. Тој би изработил и јасен план кој би се реализирал за две години за формирање на единствен регионален пазар пред вклучување во единствениот пазар на ЕУ.
Досегашната регионална соработка има позитивна динамика, поради намалувањрто на времето на чекање на камионите на царинските формалности, признавањето на фитосанитарните сертификати и издавањето на работни дозволи во рамките на Западен Балкан.
- Србија за трипати ја зголеми размената со сите земји во рамките на Западен Балкан во последните 10 години. Само со Албанија од 2019 година размената е зголемена за 83 отсто. Ивозот од Северна Македонија е зголемен за 93 отсто од пред пет години. Економиите се заинтересирана за соработка, но ако сакаме да напредуваме потребна е заедничка структура која ќе има јасни цели за тоа како да се спроведуваат договорите, вели Чадеж, пренесува „Еуроњуз“.
фото freepic