Бизнис
ПЕСИМИЗМОТ КАЈ ГЕРМАНСКИТЕ БИЗНИСМЕНИ Е ПОГОЛЕМ ОД ВРЕМЕТО НА ПАНДЕМИЈАТА
03.03.2025
На германската економија систематски и недостасуваат годишно стотици илјади квалификувани работници, но вработувањето е забавено поради кризата. Затоа, се повеќе домашни компании планираат да отпуштаат луѓе, пренесува германската новинска агенција ДПА.
Ова го покажува барометарот на пазарот на трудот на Институтот ИФО, кој во февруари се намали за дополнителни 0,4 поени односно на 93 поени. Овој индекс со повремени осцилации се намалува веќе три години.
Барометарот за очекувањата на бизнисмените во Германија покажа помала вредност од нивото во 2020 година, а тоа е првата година од пандемијата.
- Ситуацијата на пазарот на трудот останува тензична, делумно поради структурното прилагодување на економијата, рече Клаус Волрабе, директорот за истражување на институтот.
Компаниите од индустријата, услугите, трговијата и градежништвото планираат да отпуштат работници. Трендот е особено изразен во индустријата и трговијата.
ИФО на месечно ниво анкетира околу 9.000 домашни компании од сите сектори на економијата во Германија, пренесува „Бизнис.рс“.
фото freepic