Бизнис

ГЕРМАНСКА АВТОМОБИЛСКА КОМПАНИЈА ПОТВРДИ ДЕКА ЈА ЗАТВОРА ФАБРИКАТА ВО ЗРЕЊАНИН

01.03.2025

Германската компанија “Дрекслмајер“ потврди дека ја затвора фабриката во Зрењанин затоа што нема доволно нарачки. Компанијата за производство на кабловски сетови за автомобилската индустрија  мора постепено да ја затвори својата фабрика во овој српски град, изјавија од Компанијата за медиумите во Србија.

Регионалниот претставник на компанијата Ралф Капеле на прашањето за затворањето на фабриката  изјави дека производството секогаш зависи од нарачките, но „Дрекслмајер“ не успаеа да ги обезбеди за фабриката во Зрењанин.  

- Преговорите со нашите клиенти за добивање на дополнителни набавки завршија неуспешно. За жал, по разгледување на сите опции, принудени сме до 2026 година да ја затвориме оваа локација, изјави тој.

Индустрискиот синдикат на Србија во четвртокот соопшти дека „Дрекслмајер“ по 17 години  работа најави затворање на фабриката до 2026 година, а притоа биле најавени фер и коректни услови за работниците кои останале без работа.

Во оваа компанија во Зрењанин се вработени околу 2.000 работници, а во еден период беа ангажирани 6.000 работници, пренесува Н1.

фото freepic 

ПРЕПОРАЧАНО

ПАЗАРОТ НА НЕДВИЖНОСТИ ВО КИНА Е ПОД НОВ ПРИТИСОК, побарувачката за станови останува ниска, купувачите се претпазливи, а цените на недвижностите паднаа

ВО ХОЛАНДИЈА МАСОВНО СЕ ПАЗАРИ НА ИНТЕРНЕТ, најмалку онлајн набавки има во бугарските региони

Швајцарите ќе гласаат за воведување на данок на богатство

„Магијата е во знаењето“ продолжува во Струмица: Петта панел-дискусија „Магијата на создавање храбри, мислечки и сочувствителни личности“

Најчитано

“ЕУРО-МАК-КОМПАНИ” Д.О.О е членка на асоцијацијата за заштита на печатени медиуми