Бизнис
АВТОМОБИЛСКА КОМПАНИЈА ЈА СЕЛИ ФАБРИКАТА ОД ЕВРОПА ВО КИНА И МЕКСИКО
28.02.2025
Автомобилската компанија „Ауди“ ја затвори својата фабрика во Брисел, а сите 3.000 работници ќе бидат отпуштени, објави денеска „Еуроњуз“.
Фабриката на „Ауди“ ќе се пресели во Кина и Мексико, поради пониските трошоци за производство, како што беше најавено на почетокот на минатата година.
До средината на 2024 година, производството во белгиската фабрика веќе беше намалено, а беа укинати меѓу 1.500 и 2.000 работни места.
До крајот на октомври не се појави инвеститор или купувач за фабриката во Брисел, што доведе до одлука за затворање на фабриката во февруари.
Фабриката во бриселската населба Форест склопува автомобили Ауди од 2006 година, кога тогашната фабрика на „Фолксваген“ беше спасена од затворање, пренесува „Политика“.
фото freepic