Бизнис
ГЕРМАНИЈА СЕ ПРИБЛИЖУВА ДО ТРИ МИЛИОНИ НЕВРАБОТЕНИ, КОМПАНИИТЕ ПЛАНИРААТ ДА ОТПУШТААТ РАБОТНИЦИ
27.02.2025
Германските компании сè уште планираат да отпуштат работници, се вели во извештајот за февруари објавен денеска од Институтот за економски истражувања ИФО од Минхен.
- Ситуацијата на германскиот пазар на труд останува тензична, делумно поради структурните промени во економијата, изјави Клаус Вохрабе, шеф на истражувањето на ИФО.
Тенденцијата кон губење на работни места е повеќе или помалку присутна во сите сектори на германската економија, како во производството, така и во услугите, трговијата и градежништвото, се наведува на веб-страницата на минхенскиот институт.
Сезонски приспособената стапка на невработеност во Германија благо порасна во јануари на 6,2 отсто од 6,1 отсто во декември. Германската Федерална агенција за вработување објави дека, според сезонски прилагодените податоци, бројот на невработени во јануари пораснал за 11.000 на 2,88 милиони. Поради слабата економска перспектива, бројот на невработени во Германија се очекува да продолжи да расте оваа година и наскоро да ја надмине бројката од три милиони, првпат по десет години, пренесува „Новости“.
Извор/фото МИА