Бизнис
ПАД НА ПРОДАЖБАТА НА ВОЗИЛА ВО ЕУ, ВИСОК РАСТ НА ПРОДАЖБАТА НА Е-АВТОМОБИЛИ ВО ЈАНУАРИ
27.02.2025
Продажбата на возила во Европската Унија се намали во јануари годинава, покажаа податоците на Европската асоцијација на производители на автомобили (ACEA).
Во јануари во ЕУ се регистрирани 831.000 нови автомобили, за 2,6 отсто помалку од истиот месец лани, пренесува агенцијата „Мина“. Во декември, продажбата се зголеми за 5,1 отсто.
Најголем пад на продажбата во јануари забележа Франција, 6,2 отсто. Италија е со намалување на продажбата на нови автомобили од 5,8 отсто. Побарувачката ослабна и во Германија за 2,8 отсто. Шпанија забележа силен раст од 5,3 отсто.
Европскиот пазар на електрични автомобили порасна за 34 отсто во јануари во споредба со истиот месец минатата година. Во декември е намалена за 10,2 отсто. Силно порасна и продажбата на хибридни електрични автомобили, за 18,4 отсто.
Големо намалување во продажбата забележаа автомобилите на бензин и дизел, од 18,9 отсто, односно 27 отсто.