Бизнис
„ЦВЕТА“ ПРОИЗВОДСТВОТО НА ЦВЕЌЕ ВО СРБИЈА
26.02.2025
Потрошувачката на цвеќе во Србија расте со годишна стапка од околу 20 отсто, додека вредноста на пазарот во Србија достигна околу 43 милиони евра, објавиja од Стопанската комора на Србија.
Даница Миќановиќ, научен советник од Здружението за растително производство и прехранбена индустрија изјави дека зголемената побарувачка за цвеќиња и украсни растенија и на домашниот и на меѓународниот пазар отвора можности за поголем извоз.
- Вкупната вредност на извозот на цвеќе од Србија во 2024 година е 6,1 милиони евра, додека увозот е 36,9 милиони евра, што укажува на постоечката потреба од поголемо производство, посочи Миќановиќ.
Според податоците на Републичкиот завод за статистика, површината засеана со цвеќиња и украсни растенија е околу 550 хектари, но е значително поголема. Плантажното производство на цвеќе се одвива на околу 700 хектари, иако официјалните податоци се многу помали, што укажува на значително производство во „сивата зона“.
- Србија има поволни климатски услови за одгледување цвеќиња и украсни растенија, а еден од најпознатите примери се розите. Со климатски услови слични на оние во јужниот дел на Франција, Србија има потенцијал да произведе доволни количини рози за домашниот пазар, со што би се намалил увозот, рече Миќановиќ.
Најважните региони за производство и одгледување цвеќе во Србија се во Војводина, во околината на Шабац, областа Љиг, Трстеник и Крушевац, Сремчица и Великo Дреновo, пренесува Н1.