Бизнис
УНГАРИЈА ГРАДИ ПРИСТАНИШТЕ НА ЈАДРАНСКОТО МОРЕ
25.02.2025
Во Трст започна изградбата на унгарско пристаниште на Јадранското Море, а овој проект пред неколку дена го најави Левенте Маѓар, државен секретар на унгарското Министерство за надворешни работи и трговија, пишува „Hungary Today“.
Изградбата на унгарското пристаниште, треба да биде целосно оперативно до 2028 година и ќе служи за извоз на стоки. Деновиве почна изградбата на голем дел од морскиот ѕид и полнење на 50.000 кубни метри земја во морскиот дел на северна Италија.
Во првата фаза ќе се изгради крајбрежен појас во должина од 250 метри, кој потоа ќе се прошири за околу 400 метри, со што Унгарија ќе добие вкупно 650 метри крајбрежје на Јадранското Море.
Дополнително, на располагање ќе им биде отстапена површина од 30 хектари, каде што ќе биде изграден голем логистички центар, вклучувајќи објекти потребни за поморски операции, објави медиумот од Унгарија.
Унгарија плати 31 милион евра за просторот како дел од 60-годишен договор за концесија.
Унгарската влада ја довери задачата за развој на унгарското поморско пристаниште на „Adria Port Zrt“, трговска компанија која е 100% во сопственост на унгарската држава, пренесува Б92.
фото freepic