Бизнис
КОЛКУ ПОСКАПЕЛО МЛЕКОТО ВО ЗЕМЈИТЕ ОД ЕВРОПСКАТА УНИЈА?
25.02.2025
Најголем раст на цените на млекото од 2020 година во земјите во Европската Унија е забележан во Романија и Унгарија, каде во истиот период овој производ поскапе за 58 отсто. Најмал пораст на цените е забележан на Кипар каде цените пораснале за 17 отсто. Европското просечно поскапување на млекото е 39 отсто, објави Еуростат.
Во Грција цените на млекото пораснаа за 57 отсто, додека Шпанија забележа пораст од 51 отсто. Во Полска цените пораснале за 48 отсто, во Литванија за 47 отсто, во Естонија за 46 отсто, а во Белгија за 45 отсто.
Растот на цената на млекото во Португалија е 44 проценти, а по неа следат Ирска и соседна Словенија, каде што млекото поскапе за 43 проценти. Во Хрватска растот е 41 отсто, а во Германија и Летонија изнесува 40 отсто.
Во Луксембург цените се зголемени за 36 отсто, во Бугарија за 35 отсто, а во Австрија и Финска за 32 отсто. Во Франција и Чешка млекото поскапело за 31 отсто, во Словачка за 30 отсто и Данска за 26 отсто. Во Малта цените пораснале за 21 отсто, а најмал пораст во Европската Унија има во Кипар, кој е на дното на листата со 17 отсто, објави „Индекс.хр“.
фото freepic