Бизнис
НАМАЛЕН БРОЈОТ НА СТЕЧАИ ВО ЕУ, ЗГОЛЕМЕН БРОЈ НА БАНКРОТИ ВО ДВА СЕКТОРА
24.02.2025
Бројот на компании кои прогласија банкрот во Европската Унија во четвртиот квартал од 2024 година е намален за 0,7 отсто во однос на третиот квартал од 2024 година.
Во истиот период, бројот на новоотворени фирми е зголемен за 2,6 отсто во однос на третиот квартал од 2024 година, покажува анализата на Европскиот завод за статистика (Евростат).
Податоците покажуваат дека во четвртиот квартал од 2024 година, бројот на нови бизниси е зголемен во сите сектори на економијата во однос на претходниот квартал. Најголем пораст на регистрациите е забележан во транспортот и складирањето (+5,7 отсто), индустријата (+3,5 отсто) и секторот информации и комуникации (+2,3 отсто). Најмал раст има градежниот сектор (+0,9 отсто).
Стечаите во ЕУ бележат намалување во повеќето сектори, но има раст во образованието и социјалните дејности, па така во четвртиот квартал од 2024 година е забележан тренд на пораст само во два сектора, во однос на претходниот квартал, и тоа во образованието и социјалните дејности (+17,7 отсто) и индустријата (+1,6 отсто).
Најголем пад на бројот на стечајци е забележан во секторот информации и комуникации (-25,6 отсто), услуги за сместување и храна (-12,2 отсто), транспорт и складирање (-10,1 отсто), пренесува „Бизнис.ба“.
фото freepic