Бизнис
ИФО: ЕКОНОМСКАТА СОСТОЈБА НЕ ДОЗВОЛУВА ЗГОЛЕМУВАЊЕ НА МИНИМАЛНАТА ПЛАТА ВО ГЕРМАНИЈА!
23.02.2025
Германија не треба законски да ја зголеми минималната саатница на 15 евра, изјави Клеменс Фуст, претседател на Институтот за економски истражувања ИФО.
- Сегашната економска состојба не дозволува зголемување на минималната плата на 15 евра. Нашето производство веќе две години е во пад. Просечните плати сè уште растат, но не ни приближно до степенот на бараното зголемување на минималната плата, рече тој.
Очекувањата се дека колективно договорените плати во Германија да се зголемат за 13 отсто од 2023 до 2025/2026 година. Ако минималната работна саатница се зголеми на 15 евра, тоа би значело дека за истиот период платата ќе порасне за 25 отсто.
Според Фуст, политичките партии во Германија треба да се воздржат од донесување одлуки за ова прашање и да и препуштат на Комисијата за минимална плата да го одреди нивото на минималната плата.
Законски дефинираниот минимален час е воведен во Германија пред десет години во времето на канцеларката Ангела Меркел и моментално изнесува 12,82 евра, а економистот додава дека тоа со годините станало политичко прашање.
Социјалдемократската партија на Германија (СПД) и Зелените во нивната изборна кампања бараат зголемување на минималната саатница на 15 евра, пренесува Б92.
фото freepic