Бизнис
ХРВАТСКА СТАНУВА ПРЕСКАПА ЗА ТУРИСТИТЕ ОД ГЕРМАНИЈА, АВСТРИЈА, ИТАЛИЈА...
19.02.2025
Во последните три години, хрватскиот туристички сектор забележа значително зголемување на трошоците, со што Хрватска стана една од најскапите медитерански дестинации.
Цените во туристичкиот сектор се зголемија за околу 50 отсто, што значи дека Хрватска ги надмина своите медитерански конкуренти, каде што цените се зголемија меѓу 15 и 20 отсто. Токму поради овие зголемувања на цените, туристите од клучните пазари (Германија, Чешка, Австрија и Италија), побараа подостапни дестинации, што резултираше со благ пад на приходите од туризмот за време на шпицот на сезоната, пишува Travel and Tour World.
Сепак, и покрај овие финансиски притисоци, Хрватска забележа севкупен пораст на пристигнувањето туристи во 2024 година. Според податоците на Министерството за туризам и спорт, земјата ја посетиле повеќе од 21,3 милиони посетители, што претставува зголемување од 4% во споредба со претходната година. Пораст од 1% забележаа и ноќевањата и надминаа 108,7 милиони. Приходите од странскиот туризам паднаа за 0,7% за време на летните месеци во однос на претходната година, што го потенцира економскиот притисок врз посетителите и домашната туристичка индустрија.
фото freepic