Бизнис
ЦАРИНИТЕ НА ТРАМП ЌЕ ГО НАМАЛАТ УВОЗОТ НА МЕКСИКАНСКА ТЕКИЛА ВО САД
18.02.2025
Во првите девет месеци од 2024 година во САД се увезена текила во вредност од 3,8 милијарди долари, што е за 13 отсто повеќе од истиот период во 2023 година и повеќе од вкупниот увоз на виски, џин, рум, ракија и вотка.
Повисоките увозни царини за мексиканските производи и на текилата ќе ги принудат американските потрошувачи да се свртат кон други пијалоци. Откривањето на новите пазари за мексиканските производители на текила, како на пример Германија, Шпанија и Русија ќе биде „бавен процес“.
Северноамериканските трговски здруженија, исто така, се противат на тарифите, бидејќи веруваат дека тие ќе ги загрозат работните места и ќе и наштетат на туристичката индустрија, која сè уште се опоравува од пандемијата на коронавирус.
- Чекаме и се молиме да се обидат да размислат за сите последици и да не го сторат тоа, изјави Мели Барахас, сопственичка на Azteca Wines and Spirits.
Американскиот претседател Доналд Трамп планира да воведе царини од 25 отсто на целиот увоз од Мексико и Канада, бидејќи смета дека овие земји не прават доволно за да ги спречат имигрантите и лекот фентанил да влезат во САД, пренесува Б92.
фото freepic