Бизнис
ТЕШКИ ВРЕМИЊА ЗА РАБОТА ЗА БРИТАНСКИТЕ ПАБОВИ
17.02.2025
Во Велика Британија во 2024 година се затворени речиси 300 пабови, со што се изгубени околу 4.500 работни места, објавија од Британската асоцијација за пабови (BBPA). Од почетокот на 2020 година и почетокот на кризата со коронавирус, во Велика Британија се затворени повеќе од две илјади пабови.
Минатата година најмногу пабови биле затворени во Лондон, вкупно 34. Сопствениците ги затвораа под притисок на повисоките трошоци за задолжување и високите сметки за енергија. Проблем беше и послабата побарувачка, посочувајќи дека граѓаните повеќе штедат поради повисоките трошоци за хипотека и кирии, велат од здружението.
Во април годинава, сопствениците на пабови ќе бидат погодени од повисоки придонеси за здравствено осигурување и зголемување на минималната плата.
Даночните олеснувања во секторите угостителство ќе се намалат од 75 на 40 проценти, пренесува „Индекс.хр“.
фото freepic