Бизнис

СЛОВЕНИЈА ЌЕ БАРА РАБОТНИЦИ ДИРЕКТНО ОД ФИЛИПИНИ, СЛЕДУВА КОНФЕРЕНЦИЈА ЗА ВРАБОТУВАЊЕ ВО МАНИЛА

Заводот за вработување на Република Словенија во март ќе организира конференција за вработување во главниот град на Филипините, Манила. Настанот ќе се совпадне со отворањето на словенечката амбасада во Манила, а во оваа прилика е планирано и долгоочекуваното потпишување на меморандум за соработка меѓу двете земји во областа на вработувањето.

Работодавачите кои ќе учествуваат на настанот ќе имаат бесплатен изложбен простор каде што ќе можат да разговараат со потенцијалните кандидати. Минатата година, според податоците од ноември, во Словенија имало 324 вработени Филипинци (без земјоделците). Во 2023 година имало 131  работник од Филипини,  72 во 2019 година и само 44 во 2014 година.

Министерството за труд пред извесно време покрена постапка за склучување меѓудржавен договор за вработување, сличен на оној што Словенија го склучи со Босна и Херцеговина и Србија, но процесот се одвива многу бавно. Меморандумот, кој е само првиот чекор кон договор, требаше да биде потпишан минатата пролет, но тоа се уште не се случи.

Од Заводот  за вработување инсистираат вработувањата да се одвиваат пред се преку директна соработка меѓу државните институции од двете страни и дека таа е фокусирана на одредени групи работници. Во првата фаза тоа се особено негувателки и некои други професии, кои особено недостасуваат во домовите за стари лица.

Ова овозможува подобар надзор и над посредниците за снабдување со работна сила на филипинската страна, каде што некои приватни агенции им наплаќаат на филипинските работници високи суми за услугите за барање работа, како и на работодавачите,  во Словенија, пренесува „Сеебиз“.


фото freepic 

ПРЕПОРАЧАНО

Најчитано