Бизнис
ЕВЕ ШТО ПРАВАТ ЈАПОНЦИТЕ КОГА БРЗО РАСТЕ ЦЕНАТА НА ОРИЗОТ
14.02.2025
Јапонската влада сака да го покрие пазарот со големи количини на ориз од државните резерви за да ги смири високиот раст на цените за овој производ, што се должи на високата температура, засилената потрошувачка и проблемите со дистрибуцијата.
Министерот за земјоделство Таку Ето најави дека ќе бидат пуштени во продажба 210.000 тони на ориз од државните резерви, откако цената за овој производ се зголеми за 50 отсто во последните неколку месеци.
- Вообичаено владата не интервенира на пазарот, но последниот раст на цената значително влијае на животот на граѓаните. Поскапувањето на оризот се одвива пребрзо, затоа ја донесовме оваа одлука, изјави Ето.
Според истражувањето од јапонската влада, просечната малопродажна цена за пакување од 5 килограми ориз достигна 3.688 јени (околу 24 долари), во споредба од цената од минатата година кога изнесуваше 2.023 јени.
Јапонската влада претходно ги користеше залихите од ориз во случај на природни катастрофи или кога имало лоша жетва. Ова е прв пат да интервенира поради проблеми во дистрибуција и зголемување на синџирот на снабдување што влијае на растот на цената.
Залихите на ориз во Јапонија се намалени по рекордните високи температури кои влијае на послабата жетва во 2023 година. Цените на оризот се зголемија и поради зголемената потрошувачка поради рекордниот промет со странски туристи и паничната реакција на граѓаните кои почнаа масовно да купуваат ориз, по најавите за тајфуни и земјотреси, пренесува „Блиц“.
фото freepic