Бизнис
СЛОВЕНИЈА ГО ЗГОЛЕМИЛА ИЗВОЗОТ ЗА 25 ОТСТО ВО ЗЕМЈИТЕ НАДВОР ОД ЕУ
10.02.2025
Вредноста на извозот на словенечки стоки лани изнесува 61,5 милијарди евра, што е за 11,8 отсто повеќе од претходната година, додека вредноста на увозот е за 21,1 отсто поголема и изнесува 69,1 милијарди евра, објави Државниот завод за статистика, пренесува СТА.
Вредноста на извозот во земјите-членки на ЕУ е зголемена за 1,1 отсто, на 30,9 милијарди евра, а во земјите надвор од ЕУ за 25,1 отсто, на 30,5 милијарди евра.
Вредноста на увозот од членките на ЕУ е зголемена за 0,8 отсто, на 32,3 милијарди евра, додека вредноста на увозот од земјите кои не се членки на ЕУ е зголемена за 47 отсто, на 36,8 милијарди евра.
Просечните месечни вредности на извозот и увозот се повисоки од просечните за 2023 година, за 1,4 отсто за извоз и 16,2 отсто за увоз.
Минатата година најважни извозни пазари беа Швајцарија, Германија, Хрватска, Италија и Австрија. Увозот, според вредноста, е најголем од Швајцарија, а потоа следат Германија, Кина, Индија и Италија. Во споредба со претходната година, најмногу бележи извозот во Швајцарија и увозот од Индија.
Најзначајна група на производи и во извозот и во увозот беа хемиските производи. Нивната вредност претставува 45,6 отсто од вкупната вредност на извозот и 49,5 отсто од вкупната вредност на увозот.
фото freepic