Бизнис
НАЈГОЛЕМА ПРОДАЖБА НА ЧИПОВИ ВО СВЕТОТ, ЕДИНСТВЕНО ПАЃА ВО ЕВРОПА
10.02.2025
Глобалната продажба на чипови во 2024 година порасна за 19,1 отсто на рекордни 627,6 милијарди долари.
Глобалната продажба на чипови се зголеми за 19,1 отсто минатата година на рекордни 627,6 милијарди долари, соопштија од Американското здружение на индустријата за полупроводници (SIA).
Вредноста на пратките во четвртиот квартал од минатата година изнесуваше 170,9 милијарди долари, што е за 17,1 отсто повеќе во однос на истиот квартал минатата година и три отсто повеќе отколку во третиот квартал од 2024 година.
Во декември, продажбата на чипови се зголеми за 17,1 отсто во однос на истиот месец претходната година, на 56,97 милијарди долари.
- Глобалниот пазар на полупроводници ја постигна својата најголема продажба досега во 2024 година, надминувајќи 600 милијарди долари за прв пат, рече Џон Нојфер, претседателот и извршен директор на СВР.
Во 2024 година, продажбата на чипови во Америка порасна за 44,8 отсто, во Кина за 18,3 отсто, во Азиско-Пацифичкиот и другите региони за 12,5 отсто. Продажбата во Европа се намали за 8,1 отсто, пренесува „Политика“.
фото freepic