Бизнис
ВО ЦРНА ГОРА 74 ОТСТО ОД ВРАБОТЕНИТЕ ПРИМААТ ПЛАТА ПОД ПРОСЕКОТ ОД 1.000 ЕВРА
08.02.2025
Во Црна Гора декемвриска плата која била помала од минималната плата од 600 евра земале 16.621 вработен, додека точниот износ на минималната плата го земале 30.896 работници. Околу 140 илјади работници или 74 отсто земаат плата под просекот од илјада евра, покажуваат податоците од Даночната управа кои ги објави „Вијести“.
Податоците укажуваат и дека секој четврти вработен, односно 47,6 илјади, работи за минимална или пониска нето плата од 600 евра.
Во Црна Гора, работодавачот и работникот може да склучат договор за вработување со скратено работно време, кое може да биде половина или четвртина од работното време, при што работникот потоа ќе може да добие половина или четвртина од минималната плата.
На прашања на „Вијести“, даночната управа одговори дека 58.917 вработени примаат нето заработка од 600 до 800 евра, а дополнителни 34.460 вработени примаат од 800 до илјада евра.
Тоа значи дека 141 илјада вработени од вкупно 191 илјада работници за кои досега е пресметано земале декемвриски плати до илјада евра.
Само секој четврти вработен (26 проценти) зема плата над просекот. Според овие податоци на Даночната управа, 34.865 вработени ја примиле декемвриската заработка во нето износ од 1.000 до 1.500 евра, а уште 15.880 работници добиле над 1.500 евра.
фото freepic