Бизнис
КОЈА Е УВОЗНАТА ЦЕНА ЗА БАНАНИ, ШЕЌЕР, ГРАВ, А КОЈА Е ЦЕНАТА ЗА ГРАЃАНИТЕ, објавена листата на увозни цени во БиХ
07.02.2025
Владата на Федерацијата на Босна и Херцеговина најави намалување на цените на 50 основни прехранбени производи. Властите во Република Српска велат дека треба да одржат состанок со производителите и добавувачите на кој ќе им биде предложена идејата за создавање на нова листа на производи за широка потрошувачка за кои ќе важи нула проценти маржа.
„Независне новине“ дојде до податоците од Управата за индиректно оданочување на Босна и Херцеговина за увозните цени на неколку производи кои граѓаните често ги купуваат. Просечната цена на килограм банани увезени во БиХ во јануари, заедно со давачките, беше 1,79 конвертабилни марки, а во продавниците цената е од 2,80 до три марки (од 1,40 до 1,50 евра).
Килограм грав увезен во БиХ чини во просек три конвертабилни марки, додека граѓаните во маркетите го плаќаат по пет, шест до осум КМ.
Килограм увезен мед чини 11,67 КМ, а во продавниците, во зависност од видот, тегла помала од килограм (обично околу 900 грама) чини 16, 18, па дури и 23 КМ.
Килограм увезен ориз, вклучувајќи ги и давачките што ги наплатува државата, во јануари чини 2,26 КМ, а во продавниците чини од 3,40 до пет КМ, но и повеќе.
Сончогледовото масло, чија увозна цена, вклучувајќи ги давачките, во просек е 2,87 КМ, во продавниците во БиХ во просек чини од 3,10 до 3,30 КМ.
За увоз на килограм шеќер се плаќа 1,48 KM, а продажната цена во маркетите се движи од 1,75 до 2,30 KM, пренесува „Капитал.ба“.