Бизнис
„ЛАЖНИОТ“ МЕД Е ГОЛЕМ ПРОБЛЕМ НА ПАЗАРОТ НА СРБИЈА
07.02.2025
Фалсификуваниот мед е еден од најголемите проблеми на српскиот пазар. Истражувањето на движењето на потрошувачите од 2024 година покажа дека дури 88 отсто од медот во продавниците во Србија бил фалсификуван.
Најновата анализа, спроведена годинава, укажува на благо подобрување и процентот на лажни производи од мед изнесува 79,13 отсто. Експертите посочуваат дека пчеларите се одговорни за квалитетот на својот производ само до моментот на откупот, што значи дека проблемите се јавуваат подоцна во дистрибутивниот и продажниот синџир. Главните виновници се несовесните купувачи кои заради поголема добивка пласираат фалсификуван мед на пазарот.
Со цел сузбивање на продажбата на „лажен“ мед, Сојузот на пчеларски организации на Србија (СПОС) во соработка со Европската пчеларска асоцијација (ЕБА) го организираат Европскиот симпозиум „Науката против фалсификаторите“. Оваа манифестација ќе се одржи на првиот ден од 16. Државен саем за пчеларство, на 8 февруари во Белград, пренесува „Бизнис.рс“.
фото freepic