Бизнис
ФАО: ВО ЈАНУАРИ СВЕТСКИТЕ ЦЕНИ НА ХРАНАТА ЗНАЧИТЕЛНО ПОНИСКИ
07.02.2025
Индексот на цените на ФАО за кошничка основни прехранбени производи во јануари во просек изнесувал 124,9 поени, што е за 1,6 отсто пониско од декември, пресмета ФАО.
Цените на храната повторно паднаа во јануари, значително повеќе отколку на крајот на 2024 година, со значително пониски цени на растителни масла и шеќер, објави во петокот агенцијата за храна на ОН, ФАО.
На крајот на минатата година цените паднаа за 0,5 отсто на месечно ниво.
Во јануари најмногу паднаа цените на шеќерот за 6,8 отсто во однос на декември, што ги одразува поволните временски услови за растот на шеќерната трска во Бразил и укинувањето на извозните ограничувања во Индија.
Цените на растителното масло значително паднаа во јануари, што е намалување од 5,6 отсто во однос на декември, поради падот на цените на маслото од палми и репка. Цените на сончогледот и маслото од соја се задржаа на нивото од крајот на минатата година. Споредено со почетокот на минатата година, растителните масла и натаму се значително поскапени, за приближно 25 отсто.
Цените на месото се намалија за 1,7 отсто во однос на декември.
Цените на житото останаа на нивото од крајот на минатата година, пченицата е малку поевтина, а пченката поскапа, делумно поради намалените прогнози за производство и залихи во САД, пренесува „Блиц“.
фото freepic