Бизнис
ХРВАТСКА СТАНА ПОСКАПА ЗА ТУРИЗАМ ОД ГРЦИЈА И ШПАНИЈА!
06.02.2025
Ценовната конкурентност на хрватскиот туризам е загрозена, а високите цени не се повисоките трошоци за енергија. Долгорочно ваквата состојба може негативно да влијае на туристичкиот промет во Хрватска и растот на националната економија.
- Високата инфлација во Хрватска доаѓа од високите цени на услугите, а тоа посебно се однесува на угостителството и услугите за сместување, изјави Борис Вујчиќ, гувернер на Народната банка на Хрватска.
Минатата туристичка сезона во Хрватска беше обележана со стагнација на бројот на ноќевањата на странските гости и намалување на учеството на хрватскиот туризам во споредба со другите пазари на Медитеранот. Неколку години растот на цените во туризмот е побрз од конкурентските земји. Во Хрватска цените растеле за 50 отсто, а во другите туристички медитарански земји за 15-20 отсто.
- Ова ја загрозува нашата ценовна конкурентност, станавме поскапи од Грција и Шпанија, предупреди Вујчиќ.
Реалната побарувачка за странски гости во Хрватска се намалува и тоа многу побргу од другите земји. Минатата година има намалување на бројот на гости од Германија, Австрија, Чешка и Италија.
Ценовните разлики за сместување и во рестораните во Хрватска намалуваат од другите земји на Медитеранот. Во 2016 година цените во Хрватска биле за 64 и за 46 отсто пониски од Франција и Италија. Во 2023 година оваа разлика е околу 20 отсто, а во истиот период Хрватска стана поскапа од Грција и Шпанија, информираат хрватските медиуми од последната јавна дискусија за потенцијалите на хрватскиот туризам.
фото freepic