Бизнис
ВИСОК РАСТ НА ЦЕНИТЕ НА ЈАЈЦАТА ВО САД
28.01.2025
Намалувањето на бројот на кокошки во фармите во САД. поради заразата од птичјиот грип, ги зголеми цените на јајцата за повеќе од два пати во однос на 2023 година.
Просечната цена на пакување од 12 јајца во декември достигна 4,15 долари (3,98 евра), а Министерството за земјоделство на САД прогнозира дека цената годинава ќе се зголеми за уште 20 отсто. Купувачите во некои делови на САД веќе плаќаат двојно повеќе од просечната ценаили во некои продавници воопшто не се продаваат јајца. Некои продавници дури имаат ограничено колку јајца може да се купи.
Во Чикаго во понеделникот, пакување од 12 јајца во синџир супермаркети чинеше најмалку 4,49 долари (4,31 евра).
Повеќе од 50 лица во САД се разболеле од птичји грип од појавата на заразата во нејкои од американските фарми за кокошки. Речиси сите заболени лица работеле со болни животни. Здравствените власти се уште не нашле докази дека болеста се шири од човек на човек, пренесува Н1.
фото freepic