Бизнис
ВО СЛОВЕНИЈА СЕ ЗАГРИЖЕНИ ЗА СТРАНСКИТЕ РАБОТНИЦИ ЗА ДА НЕ ИМ ЗАМИНАТ!
25.01.2025
Во Словенија на крајот на ноември се регистрирани 148.018 странски работници, што е за 8.000 повеќе од јануари 2024 година. Странските работници претставуваат речиси 16 отсто од работоспособното население во Словенија, а меѓу нив убедливо најголем број работници се од балканските земји, пренесува „Дело“.
Последнава година во Словенија е зголемен и бројот на работници од Азија.
Словенечкиот министер за труд, семејство и социјални прашања Лука Месец изјави дека странските работници се словенечка реалност и затоа мора да им се дадат сите релевантни информации, преку новата канцеларија за странци што е отворена во Љубљана.
- Странските работници треба да се заштитат, бидејќи ако не им оди добро овде, ќе заминат на друго место, рече Месец, додавајќи дека Словенија не сака да стекне лоша репутација во очите на работниците од странство.
фото freepic