Бизнис
РАЗНОЛИЧНА РАБОТНА ГОДИНА
Лидија Георгиева | Авторот е дизајнер, редовен професор
Економија и бизнис | печатено издание | 15 декември 2024г.
Во светот на креативноста, без разлика дали се работи за реализација на привлечни дизајни, спроведување на иновативни концепти или екипна соработка со сродни креативни сили, реализацијата на проектите се гради врз основа на искуство, на емоции, на пасионираност, но и на издржливост.
Гледајќи ја наназад изминатава плодна година − ревии, дизајн на театарски и на филмски костими, работилници, изложби, мојата редовна универзитетска настава, како и соработката со овој ценет бизнис-магазин − може да се каже дека беше богата и исполнета со интересни предизвици.
Но, успехот во одредена задача не зависи само од добра идеја или од заокружување на проекти со исполнување на рокови туку и од континуирано поместување на границите, излегување од тоа што е досега познато. За прв пат годинава се соочив и со нова авантура − дизајн на костими во филмската индустрија. Иако имав поранешни искуства во тој домен, тоа не беше како одговорен дизајнер, па така мојот прв филм беше едно возбудливо искуство со нови научени лекции.
Годинава е одбележана со напорна работа, со балансирање меѓу имагинацијата и дисциплината, со подготвеност за експериментирање, со стремеж за прилагодување на новите предизвици, со максимална посветеност. Иако дефиницијата за успешна година не е само во бројот на готови парчиња, во истражувањето и во трансформациите што се случуваат на патот, тука сепак дојде и едно признание во форма на награда за која сум особено благодарна и горда.
Но, вистински успешна година не е возможна без добра екипа. Тука станува збор за создавање подлабоки врски со соработниците, па и продлабочување на занаетот. Без разлика дали станува збор за навлегување во нови проекти, соработка со други креативци или откривање на свежи перспективи, патувањето е она што ја прави годината значајна. Повеќе од автоматско извршување на идеи − тоа е негување инспирација за секој нов проект и од секој нов проект, прифаќање нови техники и учење од неочекуваното.
За овој текст сметам дека најдобро ќе сведочат фотографиите преку кои ќе ги споделам сознанијата и креативните промени кои ја обликуваа мојата плодна работна година.
Целиот текст можете да го видите на следниот ЛИНК