Бизнис
ПРЕДЛОГ ВО ИТАЛИЈА ГОТВАЧИТЕ ДА ДОБИЈАТ БЕНИФИЦИРАН СТАЖ КАКО ШТО ВАЖИ И ЗА РУДАРИТЕ...
22.01.2025
Италијанскиот министер за земјоделство и за прехранбениот сектор Франческо Лолобриџа најави донесување на нов предлог закон со кој на италијанските готвачи ќе им се одобри бенифициран работен стаж.
Ова е долгогодишно барање на Италијанската федерација на готвачи и нивните аргументи се дека готвењето бара психофизичка подготвеност, како и за другите бенифицирани професии: рударите, нуркачите и болничарите.
Министерот најави и промена на статусот на готвачи во Италија бидејќи, како што рече тој, нивната работа бара голема ангажираност и таа мора да биде соодветно призната.
Ставањето на готвачите на листата на професии со бенифициран стаж во Италија значи дека тие кои работата во кујната можат да заминат во пензија со старост од 63 години и 36 години работен стаж. Државата ќе им исплатува максимално 1.500 евра месечно, додека готвачите не ги исполнат усповите за старосна пензија на 67 години, пренесува Б92.
фото freepic