Бизнис
ПРОИЗВОДИТЕЛИТЕ НА АВТОМОБИЛИ ГИ ЧЕКА ТЕШКА ГОДИНА ВО ПРОДАЖБАТА
22.01.2025
Продажбата на европските автомобили минатата година забележа незначителен раст, бидејќи постојаната инфлација, повисоките трошоци за задолжување и воздржаноста кон електричните модели ги наведоа потрошувачите да се воздржат од купување нови возила.
Во однос на претходната година, регистрациите на нови автомобили во ЕУ се зголемија за 0,9 отсто и достигна 13 милиони единици, објави Европската асоцијација на производители на автомобили (ACEA).
Продажбата на целосно електрични возила се намали за 1,3 отсто откако земјите од ЕУ, вклучително и во Германија,која ги укинаа субвенциите за нивно купување. Европските производители на автомобили се подготвуваат за тешка 2025 година, со построги цели на Европската Унија за емисиите кои ги принудуваат да продаваат повеќе електрични возила и покрај падот на побарувачката.
По намалувањето на продажбата во Кина, кој е најголемиот пазар на автомобили во светот, производителите на автомобили се соочуваат и со закана од дополнителни царини за увоз во САД.
- Притисокот на цените, загубите на пазарниот удел во Кина, построгите регулативи за емисиите, тарифните ризици и континуираната слаба побарувачка создаваат „совршена бура“ за европските производители оваа година, напиша Патрик Хамел, аналитичарот на UBS.
Продажбата на нови автомобили во Европа би можела да падне во првите шест месеци од 2025 година, велат аналитичарите на „Блумберг“. Но, тие предвидуваат дека намалувањето на цените во втората половина од годината може да даде мал поттик на продажбата, пренесува „Бизнис.рс“.
фото freepic