Бизнис
ВО КОИ ЗЕМЈИ ИМА НАЈГОЛЕМ НЕДОСТИГ ОД РАБОТНИЦИ ВО ИТ ИНДУСТРИЈАТА?
18.01.2025
Повеќе од две третини од големите компании во Европа имаат потешкотии да ги пополнат позициите кои бараат вештини од информатичките технологии. ИТ секторот продолжува да расте, а европските компании се соочуваат со проблем да пополнат бројни отворени позиции. Според податоците на Евростат од 2024 година, 57,5 отсто од компаниите во Европската Унија не можат да ги покријат потребните работни места.
Јазот меѓу побарувачката на работна сила и реалната вработеност порасна за 20 проценти во последните десет години. Шеесет и осум отсто од големите компании не се во можност да ги пополнат сите позиции за специјалисти за ИКТ, а потоа следуваат средните (59,2 отсто) и малите компании (53,4 отсто).
Германија, Чешка, Малта, Австрија и Луксембург се земјите со најголема потреба од ИКТ експерти, а најмалку 65 отсто од компаниите се соочуваат со недостиг на работна сила.
Најмалку проблеми со вработувањето имаат Шпанија, Полска и Бугарија, иако најмалку 30 отсто од компаниите во овие земји се уште се соочуваат со недостиг од ИКТ специјалисти, пренесува „Бизлаив“.
фото freepic