Бизнис
ЕНЕРГЕТСКИ ПРОЕКТ МЕЃУ ИТАЛИЈА, АЛБАНИЈА И ОАЕ ЗА КОНЕКЦИЈА ПОД ЈАДРАНСКО МОРЕ
18.01.2025
Италија, Албанија и Обединетите Арапски Емирати потпишаа спогодба за изградба на подморска интерконекција за увоз на енергија од обновливи извори под Јадранското Море. Проектот е вреден најмалку една милијарди евра и предвидува енергетската врска да биде во должина од 430 километри и меѓу италијанскиот регион Апулија и албанското пристаниште Валона. Ова е најмалото растојание меѓу двете земји преку Јадранското Море, а целата инвестиција ќе биде реализирана за три години.
Со овој проект Албанија ќе може да извезува струја од обновливи извори на енергија. Капацитетот на производството на струја ќе биде зголемена за 500 MW, пренесува „Бизлаив“.
фото freepic