Бизнис
БОНУС ОД 1.000 ЕВРА АКО РАБОТНИКОТ НЕ КОРИСТИ БОЛЕДУВАЊЕ!
16.01.2025
Германскиот институт за безбедност и здравје на работното место проценува дека загубите во производството поради боледувањата на работниците изнесуваат 128 милијарди евра во 2023 година. Експертите предлагаат два модела за намалување на бројот на боледувањата во германските фирми: едниот е да не се плаќа првиот ден од боледувањето на работникот, а вториот модел е наградување на работниците во форма на бонуси за секој месец редовно присуство на работното место. Некои од компаниите во Германија веќе го применуваат моделот на наградување за редовноста, а тоа го прават посебно во транспортните претпријатија, кои се соочуваат со голем недостиг на возачи. Една транспортна компанија исплатува 615,62 евра (на полугодишно ниво) како награда за редовноста на возачите. За почетниците овој бонус изнесува 566,67 евра. Во друга компанија за транспрот на стока бонусот изнесува 1.000 евра.
- Aвтомобилската индустрија и нејзините добавувачи се изложени на висока стапка на боледување. Стапката на боледување во Германија е двапати повисока од другите европски земји, а тоа носи и последици, изјави Ола Калениус, раководител во „Даимлер“.
Во оваа компанија го укинаа бонусот по две години од воведувањето, но не ги објаснуваат причините за ваквата одлука. Наместо тоа, се посветуваат на подобра заштита на задравјето на вработените, преку бесплатна вакцинација против грип, чести здравствени прегледи и друго, пренесува „Пословни дневник“.
фото freepic