Бизнис
СЛОВЕНИЈА ПОДГОТВЕНА ЗА КРИЗАТА ВО АВТОМОБИЛСКАТА ИНДУСТРИЈА, КОМПАНИИТЕ МОЖАТ ДА КОРИСТАТ СУБВЕНЦИИ ЗА СКРАТЕНО РАБОТНО ВРЕМЕ
15.01.2025
На почетокот на годината словенечката економија ја почна со намален оптимизам: нема побарувачка за нови вработувања, а компаниите се внимателни во инвестирањето посебно со секторите кои се поврзани со автомобилската индустрија, каде има намалување на бројот на работници.
При намалени деловни очекувања, словенечката држава планира да им помогне на работодавачите, а веќе е во завршна фаза примената на предлогот за субвенционирање на мерката за скратено работно време.
- Веројатно ќе се соочиме со економска стагнација, но нема да има големи отпуштања, посебно ако Владата донесе соодветни мерки. Годинава ќе има ладење на пазарот на трудот, по три години на изразен недостиг на работници, изјави Томаж Жировник, раководител на Подрачниот завод за вработување во Птуј.
Со подготвениот предлог за постојано скратено време треба да им се помогне на компаниите кои поради германската криза се најдоа во потешкотии, соопшти Лука Месец, министерот за труд во Словенија.
- За помошта можат да се пријават компаниите кои се соочуваат со намалени нарачки и кои можат да одобрат скратено работно време, вели Месец.
Со Предлог-законот се предвидува со неполно работно време работниците да работат најдолго шест месеци. Висината на делумниот поврат на средствата за плати да изнесува 60 отсто од исплатената бруто плата. Право на овие субвенции имаат работодавачите кои според сопствената процена не можат во месецот да остварат најмалку 90 отсто од работата за најмалку 30 отсто од работниците, пренесува „Пословни дневник“.
фото freepic