Вести
ЦУК: Извлечени завеани пет малолетни и едно возрасно лице од село Рајчани
12.01.2025
Во Центарот за управување со кризи (ЦУК) утрово е добиена пријава за пет малолетни лица и едно возрасно лице дека поради обилните снежни врнежи се заглавени во село Рајчани, Општина Кочани и не можат да се симнат во Кочани.
Од ЦУК соопштија дека преку Секторот за операции и координација, веднаш е контактирано со СВР Штип, ПС Кочани и со лицето за контакт од Општина Кочани и градоначалникот на Општина Кочани, за координирање на активностите.
- Во 11.50 часот лицата се извлечени со теренско возило на член на Доброволна планинска спасувачка служба „Осогово“ од Кочани и истите безбедно се однесени и предадени на нивните родители, соопштија од ЦУК.