Е-Б-Ф-Б
ЛЕГОЛЕНД СЕ ВРАЌА ВО ЛЕГО

блиц свет

Заедно со приватниот инвестициски фонд Блекстон (Blackstone), фамилијата основач на Лего (Lego), Киркби (Kirkbi), ќе го откупат целиот преостанат дел од компанијата Мерлин (Merlin) која во моментов претставува доминантен сопственик и менаџира со познатите тематски паркови Леголенд (Legolend), a во своето сопственичко портфолио ги има и познатите музеи „Мадам Тисо“. Според договорот кој се проценува на над 7,5 милијарди долари, Киркби ќе се стекнат со 50 % од сопствеништвото на Мерлин и ќе го преземат менаџирањето со тематските паркови, додека Блекстон и останатите инвеститори ќе ги распределат останатите 50 % од компанијата. Инвестицискиот фонд Блекстон е доминантен сопственик на Мерлин уште од 2004 година за подоцна да ги преземат тематските паркови Леголенд од Киркби, договор со кој фамилијата основач на Лего задржува 30 % од Мерлин, но без менаџерски обврски. Овогодинешниот договор ќе обезбеди Леголенд буквално да се врати на Лего, што претставува и дел од современиот тренд на инвестициски трансформации изминатиов период во кој фамилиите основачи на големите брендови ги преземаат назад управувачките пакети во компаниите.

ПРЕПОРАЧАНО

Back to Top