Е-Б-Ф-Б
КАКО ДА РЕАЛИЗИРАТЕ КАМПАЊА ЗА ГРУПНО ФИНАНСИРАЊЕ (CROWDFUNDING)? Бесплатен AllWebmeetup со ХрвојеХафнер


AllWeb, првата конференција за дигитален маркетинг во Македонија започнува со организација на серија мини настани со цел отворање на актуелните дискусиите во полето на дигиталните комуникации, маркетинг и бизнис во текот на целата година. Првиот AllWebmeetup, ќе се одржи на 18 април во Јавна Соба, Скопје. Темата е групно финансирање (crowdfunding), а гостин на настанот ќе биде ХрвојеХафнер, автор на блоготCrowdfunding.hr и еден од пионерите на балканските простори. Влезот на овој AllWebmeetup ќе биде бесплатен, а сите заинтересирани ќе мора претходно да се регистрираат на brainster.co.  

Групно финансирање или crowdfunding е практика која се применува за финансирање на проекти, идеи или каузи, преку финансиски донации од поголем број луѓе, најчесто реализирана со помош на интернет алатки. Оваа тема станува се поактуелна и во Македонија затоа што е одличен начин на прибирање средства за финансирање производи, проекти или цели стартап сервиси за коисе заинтересирани поголема група на потенцијални поддржувачи. 

Како што вели Дарко Булдиоски, програмски директор на AllWeb:„на настанот нашиот гостин Хрвоје ќе зборува за основите наcrowdfunding и како тој ја менува финансиската индустрија, но и кога да започнете и како да реализирате кампања за групно финансирање и каде да го најдете вистинските поддржувачи“. „ Хрвоје со себе носи 5 годишно искуство во crowdfunding кампањи во кои се собрани повеќе од милион хрватски куни (над 130 илјади евра). Очекуваме со публиката да сподели многу корисни совети и примери за регионални успешни и неуспешни кампањи“- додава Булдиоски. 

Ова е првиот од серијата AllWebmeetupнастани кои AllWeb ќе ги реализира годинава. Првиот настан е организиран во соработка со brainster.co, каде што заинтересираните можат да го обезбедат своето место. Бројот на места е ограничен. 

# # # # # 

За повеќе информации контактирајте со: Дарко Булдиоски, на 070/ 30 70 40 или на darko@newmedia.mk.

ПРЕПОРАЧАНО

Back to Top